"සමනළ රෑනේ" දඟකාර හිත්වලට ආමන්ත්‍රණය කරන ඔහු නමින් නිමේෂ් රන්දික ජයතිලකය. සරසවි උයන මහ විදුහලෙන් නැණ පහන් ලබන ඔහු වෙන වන විට Hello නමින් සංගීත කණ්ඩායමකට නායකත්වය දෙමින් සංගීත ක්ෂේත්‍රයට වෙනසක් එකතු කිරීමේ ප්‍රයත්නයක යෙදී සිටින අතර "සමනළ රෑනේ" ගීතය රැගෙන එනු ලබන්නේ ඔහුගේදෙවන ගීත නිර්මාණය ලෙසයි.
සඳමාලි හපුගොඩගේ පද රචනයට අකී විෂ්ගේ සංගීත සංකලයත් සමග තම භාවාත්මක හඬ මුසු කරනු ලබන නිමේෂ් රන්දිකහට අත්වැල් ගායනයෙන් තම විශාරද සහය ලබාදෙන්නේ දමිත් උදාරයි.
Hello නමින් ඔබ අමතන ඔවුන්ගේ සංගීත කණ්ඩායමේ දෙවන ගීතය වන සමනළ රෑනේ ගීතය තුළින් වෙනස්ම ආරක තේමාවක් රැගෙන එනු ලබන නමුත් පවතින සමාජ සන්දර්භය තුළ අහම්බයක් නොවන යෞවන ප්‍රේමණීය හිත්වල හටගන්නා වූ ප්‍රේමයත් මිත්‍රත්වයත් අතර දෝලනය වන හිත් දෙකක් අවසානයේ මිත්‍රත්වය රැකගනමින් ප්‍රේමනීය හිතට සීමා දැමීම පිළිබඳ ප්‍රස්තුතයක් රැගෙන එනු ලබයි.
ඉදිරියේදී Hello සංගීත කණ්ඩායමෙන් ලාංකේය සංගීත ක්ෂේත්‍රයට වෙනස් ආරකින් යුත් නව්‍ය තේමාවන් පාදක කොට ගත් රසභාවයන් උද්ධීපනය කරන්නා වූ ගීතයන් රසික සහෘදයන් වෙත ගෙ ඒමේ බලාපොරොත්තුව නව ගායක නිමේෂ් රන්දික ජයතිලකගේ අභිලාෂය වී ඇත.
No comments