පුදීප්ගෙන් අලුත් සින්දුවක් - පෙම් සිහිනේ

සුපර්ස්ටාර් වේදිකාවෙන් සුපිරි තරුවක් වුණ ප්‍රදීප් රංගන දැන් වෛද්‍යවරයෙක්. මයික්‍රෆෝනය වෙනුවට වෙදනළාව අතට ගත්ත ප්‍රදීප් වෙදකමෙන් වගේම ගීතයෙනුත් මිනිසුන්ගේ හිත සුවපත් කරන්නෙක් බවට පත්වෙලා. කාලයකට පස්සේ ප්‍රදීප් සංගීතයට අවතීර්ණ වෙලා. ඔහු අලුතින් ගීතයක් නිර්මාණය කරමින් යළිත් සංගීත ලොවට පිවිස තිබෙන්නේ දිගු නිහඬියාවකින් පසුවයි. ඔහුගේ මෙම අලුත්ගීතය සම්බන්ධයෙන් අපි ඔහුගෙන් විමසා සිටියා.

"මගේ කටහඬ ආයෙමත් අහන්න හුඟක් අය බලා‍පොරොත්තුවෙන් ඉන්නවා. ඒ අය වෙනුවෙන් මම ගීතයක් නිර්මාණය කළා. ‘පෙම් සිහිනය’ කියලා. මේ ගීතයේ සංගීතය සහ පදරචනය මගේමයි. සංගීත සංකලනය සංජුල හිමාලගෙන්. මගේ හඬේ දක්ෂතාව විතරයි රසිකයන් මේ තාක්කල් දන්නේ. දැන් මගේ පද හා සංගීතයේ දක්ෂතාත් මේ හරහා දැකගන්න පුළුවන්. මේ ගීතය මට වගේම මට ආදරය කරන රසිකයන්ට විශේෂ වන්නේ ඒ නිසයි.