පැට්‍රික්, මේ සුපිරි රංගන ශිල්පියාගේ පුත්‍රයායි. ඔහු ද හොලිවුඩ් සිනමාවේ ජනප්‍රිය තරුවක්. මිලේ සයිරස් ද ජනප්‍රිය සිනමා තරුවක්, ගීත රචිකාවියක් සහ ගායිකාවක්. පැට්‍රික් සහ මිලේ ගේ පෙම් සබඳකම ගැන වගතුග විටින් විට මාධ්‍ය ඔස්සේ හෙළි කෙරුණා. පසුගිය සතියේ ආරංචි පැතිරී ගියේ මේ දෙදෙනා ලොස් ඇන්ජලීස් නුවර පිහිටි පැට්‍රික්ගේ නිවහනෙහි කාලය ගත කළ බවයි.
මේ බව ඉව වැටුණු පැපරාසි මාධ්‍යවේදියකු වාර්තා කර තිබුණේ ඒ මොහොතේ මිලේ හැඳ සිටියේ ‘මිකී මවුස්’ කාටුනයකින් විචිත්‍රවත් වූ අත් දිග කමිසයක් සහ කෙටි ඩෙනිම් කලිසමක් බවයි.
පැට්‍රික් හැඳ සිටියේ අළු පැහැති කමිසයක් සහ කළු පැහැති කලිසමක් බවත් මේ මාධ්‍යවේදියා සඳහන් කර තිබුණා. දෙදෙනා නිවෙසින් පිටව යද්දී පැට්‍රික්, මිලේට පසු පසින් ගමන් කළ බවත්, ඒ මොහොතේදී ඔහු බෝතලකින් වතුර වැනි යමක් පානය කරමින් සිටි බවත් සඳහන් වී තිබුණා.
No comments