කාන්දම් බලයක් ඇති රුසියානු දරුවා

දොළොස්  හැවිරිදි නිකොලායි ක්‍රයිගලියචෙන්කෝට පට බැඳී ඇකි වාහට කාන්දමාය. ඒ ලෝහ වස්තූන් තමන් වෙත ඇද ගැනීමටත් ඒවා තම ඇගෙහි අලවාගෙන සිටීමටත් ඔහු සතුවන අද්භූත හැකියාව නිසාය.  රුසියානු ජාතික නිකොලායි පවසන්නේ මග වැටී තිබූ විදුලි රැහැනක් වැරදීමකින් පෑගී අධිවිදුලි සැරක් වැදීමෙන් පසු මෙසේ ලෝහ ද්‍රවය තම ඇඟේ ඇලෙන්නට පටන්ගත් බවයි.

දැන් ලෝහ ද්‍රව්‍ය පමණක් නොව ප්ලාස්ටික්, කොළ කැබලි වැනි දේ පවා තම ඇඟෙහි අලවාගෙන සිටීමට හැකි බව ඔහු පවසනවා.  මේ හැකියාව නිසාම දැන් පාසලේ ජනප්‍රියම කොලුවා නිකොලායිය. 
නිකොලායි වැනි මිනිස් කාන්දම් ගැන තොරතුරු ලොව දසදෙසින් ඇසෙන අතර එවන් පුද්ගලයින්ටම වෙන්වූ සංවිධානයන්ද ඇත. 


නිකොලායි සේම ඔවුන් බහුතරයද විශ්වාස කරන්නේ එම හැකියාව ඔවුන් ලද විශේෂ වරප්‍රසාදයක් ලෙසය. නමුත් විද්‍යාඥයින් දරන්නේ වෙනත් මතයකි. සිරුරින් කාන්දම් බලයක් උපදීමට හැකියාවක් කිසිසේත්ම නොමැති බව කියන ඔවුන් ඔය කියන පුද්ගලයින්ගේ සම සාමාන්‍ය පුද්ගලයකුගේ සමට වඩා වෙනස්වීමේ ඉඩක් තිබෙන බවත් එනිසා ඔවුන්ට අනෙක් අයගේ සමට වඩා හොඳ ග්‍රහණ හැකියාවක් පිහිටිය හැකි බවත්ය.