කෝලි - අනුෂ්කා‍ මඟුල තීන්දුයි

ඉන්දීය ක්‍රිකට් ක්‍රීඩක විරාත් කෝලි සහ සුරූපි නිළි අනුෂ්කා ශර්මා අතර පවත්නා ප්‍රේම සම්බන්ධය මේ වනවිට රහසක් නොවන අතර පසුගිය දිනක කෝලිගේ පවුලේ සමාජිකයන් ද අනුෂ්කාව හමු වී තිබෙනවා. 

විරාත්ගේ මව සරෝජ් සහ පවුලේ උදවිය මෙලෙස අනුෂ්කා හමු වී ඇත්තේ ඇගේ නිවසේ දී යි.

මෙම හමුවීමත් සමග වසර ගණනාවක සිට පෙම්වතුන්ව සිටි කෝලි අනුෂ්කා යුවළ විවාහ ගිවිස ගැනීමට සූදානම්වන බවට කට කතා රැසක් පැතිර යමින් තිබේ.

කෙසේ වුව ද මෙවැනි කටකතා පැතිර ගිය ප්‍රථම අවස්ථාව ද මෙය නොවන අතර මෙම මස මුලදී ද අනුෂ්කා විවාහවීමට සූදානම්වන බවට කටකතාවක් පැතිර ගියේ ය.

එහෙත් අනුෂ්කාගේ මාධ්‍ය ප්‍රකාශකයා විසින් එම කටකතා සියල්ල දැඩි ව ප්‍රතික්ෂේප කර තිබිණි.