ශාරුක් පොලිස් කතක් සමග කළ නැටුමෙන් ඉන්දියාව රත්වෙයි

බොල්වුඩයේ සුපිරි නළු ෂාරුක් ඛාන් සමග ඉන්දීය පොලිස් කාන්තාවක ප‍්‍රසිද්ධ වේදිකාවක නර්තනයේ යෙදීම හේතුවෙන් ඉන්දියාව තුළ දැඩි ආන්දෝලනයක් හටගෙන ඇති බව ඉන්දීය මාධ්‍ය වාර්තා පවසනවා. 

බටහිර බෙංගාල ප‍්‍රාන්තයේ පොලිස් දෙපාර්තමේන්තු වාර්ෂික සංස්කෘතික උත්සවයක් අතරතුර මෙම නර්තනය දැකගන්නට ලැබී තිබෙනවා. ඇතැම් අවස්ථාවල පොලිස් නිලධාරිනිය දෑතින් ඔසවා ගෙන ෂාරුක් ඛාන් නර්ථනයේ යෙදුණු බවද කියයි. 

ඉන්දියාවේ විරුද්ධ පක්ෂ දේශපාලඥයන් මෙය දැඩි දෝෂදර්ශනයට ලක්කර ඇති අතර, පොලිස් නිලධාරිනියකට සිය නිල ඇඳුමින් නර්තනයේ යෙදීමට අවස්ථාව ලබාදීම තුළ පොලීසියේ ගෞරවය කෙළෙසී ඇති බව පවසයි. 


බටහිර බෙංගාල මහ ඇමතිවරයාද මෙම අවස්ථාවට සහභාගි වී සිට ඇතත් ඔහු මෙම නර්තනයට කිසිදු විරෝධයක් නොදක්වා ඇති බවද පැවසෙයි. කෙසේ වෙතත් මෙම සිදුවීම සම්බන්ධයෙන් පොලිස් නිලධාරිනිය හෝ ෂාරුක් ඛාන් මෙතෙක් අදහස් දක්වා නොමැති බවද ඉන්දියාවෙන් වාර්තා වෙයි.