ලින්ඩ්සේ ලෝහන් සහ ඉගෝ තරබසොව් අතර ප්‍රේමයක් හට ගැනුණේ මෑතකදීයි. ටික කාලයකින්ම මේ සුපිරි හොලිවුඩ් නිළියගේත් රුසියානු ජාතික ව්‍යාපාරිකයාගේත් පෙම් කතාව නිමාවට පත්වුණා.
ඒ සමඟම විවිධ විද්‍යුත් සහ මුද්‍රිත මාධ්‍යයන් උත්සාහ කළේ ලින්ඩ්සේ - ඉගෝ සබඳකම පැවැති කාලයේදී සිදුවූ අමිහිරි සිදුවීම් හාරා අවුස්සන්නයි. පසුගිය දා, රුසියාවේ රාජ්‍ය රූපවාහිනී නාළිකාවක ජනප්‍රිය සංවාදාත්මක වැඩසටහනකින් ලින්ඩ්සේට ඇරයුමක් ලැබුණේ ද එවැනි ලට-පට අවුස්සන්නට මිස වෙනත් විශේෂ කාරණයක් කතාබහ කරන්නට නොවෙයි.
ලින්ඩ්සේ එම ඇරයුමට ප්‍රතිචාර දැක්වූයේ ඇගේ ඉල්ලීම් කිහිපයක් ඉටුකළොත් වැඩ සටහනට සහභාගි වන බව ප්‍රකාශ කරමින්. මේ සුපිරි තාරකාවිය පවුම් 500,000 ක් සහ රුසියානු ජනපති ව්ලැඩ්මීර් පුටින්ව මුණ ගැසීමට අවස්ථාව සලසා දෙන්නැයි ඉල්ලා සිටියා. මේවා පමණක්ම නොවෙයි, රුසියාවට යෑමට ඇයටම වෙන්වූ ගුවන් යානයක්, වසරක කාලයක් සඳහා රුසියානු වීසා බලපත්‍රයක් සහ ලොව අනර්ඝතම සමාගමක නිෂ්පාදිත වටිනා ඇඳුම් කට්ටලයක් ද මේ ඉල්ලීම්වලට ඇතුළත් වෙනවා.
ලින්ඩ්සේගේ ඇතැම් ඉල්ලීම්වලට රූපවාහිනී චැනලය එකඟ වී තිබෙනවා. නමුත් ඇය සමඟ තවදුරටත් මේ ගැන සාකච්ඡා කරන්නටයි එහි බලධාරීන් තීරණය කර ඇත්තේ.
පිය සෙනෙහසට කව් ගී ලියවුණා මදි කියන ගී පදය සම්පූර්ණයෙන්ම ඇත්ත. මොකද පිටතින් නොපෙනුණාට පියකු තම දරුවන්ට දක්වන ස්නේහය අනන්තයි, අප්‍රමාණයි. අතපය නොකඩා ඇඩිදැඩි කළ දරුවන් අවසනදී තාත්තාව තියන්නේ කොහෙද කියන එක ගැටළුවක් කර ගන්නවා.
මහළු මඩම් සීඝ්‍රයෙන් බිහි වන්නේ ඒ හින්දා. ඒ අතරේ පියවරුන්ට දේවත්වයෙන් සලකන පුතුන් ද සොයා ගන්නට බැරිකමක් නැහැ. ඒ වගේ පුත්‍රරත්නයක් තමයි සුරංග ද අල්විස්. සරත් ද අල්විස් නමැති අපූර්වතම සංගීතවේදියාණන්ගේ ආදරණීය පුතණුවන් වූ සුරංග තම පියාට හරිම ආදරෙයි.
ඒ හින්දම ඔහු හිතුවා සරත්ගේ උපන් දිනය දවසේ ඔහුව සර්ප්‍රයිස් කරන්න. සුරංග ඒ වෙනුවෙන් කළේ අමතුම තෑග්ගක් සරත්ට ලබාදීමයි. තෑග්ගේ වටිනාකම ලක්ෂ පනස් දෙකක්. කොහොමද වැඩේ. අද කාලේ මොන පුතා ද ලක්ෂ පනස් දෙකක තෑග්ගන් තාත්තෙකුට දෙන්නේ.
නමුත් සුරංග එහෙම කළා. එවන් වූ වටිනාකමක් ඇති කාර් රථයක් තමයි සුරංග සරත්ට ලබා දුන්නේ. තම පුතා කළ වැඩේ නිසා සරත්ට මොහොතක් ගත වන තුරු වචනයක්වත් කතා කර ගන්න බැරි වුණාලු. දෑසින් කඳුළු කඩා හැලුණාලු. සංවේදී කලාකරුවො වුණාම එහෙම තමයි.
රන්ජන් රාමනායක තරම් ජනප්‍රිය නළුවා ලෙස සම්මාන ගත්තු තවත් නළුවෙකු නැතුව ඇති. පිට පිට කිහිප සැරයක්ම ඔහු එලෙස සම්මානයෙන් පිදුම් ලැබුවා. රන්ජන් මෙච්චරටම ජනප්‍රිය නළුවා වශයෙන් සම්මාන ගත්තේ ඔහු ජනතාව අතර ඉන්න නිසා වෙන්න ඕනෑ.
ඒ වගේම රන්ජන් නිරන්තරයෙන් ජනතාවගේ අසාධාරණය වෙනුවෙන් කතා කරනවා, ක්‍රියා කරනවා. ඒ වගේ සිදුවීමක් පසුගියදා සිදු වුණා. ඒ තමයි වැල්ලවත්තේදී පොකට්කාරයින් දෙදෙනෙකු රන්ජන් විසින් අල්ලාගෙන නීතියේ රැහැනට කොටුකර දීම. එම සිදුවීම වෙලා දැනට සති කිහිපයක් වෙනවා.
ඒත් එහි උණුසුම පොඩ්ඩක්වත් වියැකිලා නැහැ කියලා රන්ජන් කියනවා. ඒ වගේම ගොඩක් වෙලාවට නොයෙන් දෙනා රන්ජන්ට මඩ ප්‍රහාර එල්ල කරන්න බලාගත්තු ගමන් ඉන්නේ. මේ සිදුවීමටත් වැරදි අර්ථකථනයක් දේවි කියලා රන්ජන් දෙගිඩියාවෙන් පසු වුණාලු. නමුත් ඒක එහෙම වෙලා නැහැ.
රන්ජන් කියන්නේ තිරයේ විතරක් නෙවෙයි සැබෑ ජීවිතයෙත් වීරයෙක් කියලා දන්න අය කියන්නේ ඒ නිසා.
වරෙන්තු නිකුත් කරනු ලැබ සිටි ජනප්‍රිය ගායක එම්.ජී.ධනුෂ්ක අද (04) අධිකරණයට බාරවීම හේතුවෙන් ඔහු අත්අඩංගුවට ගැනීමේ වරෙන්තුව යළි කැඳවීමට කොළඹ ප්‍රධාන මහේස්ත්‍රාත් ගිහාන් පිලපිටිය මහතා තීන්දු කළේය. නඩුව යළි කැඳවීම නොවැම්බර් 16 දක්වා කල් තැබිණි. උසාවියට භාරවීමෙන් පසුව රුපියල් 25000ක ඇපයක් මත එම්.ජී. ධනුෂ්ක නිදහස් කර තිබෙනවා.
ජනප්‍රිය ගායක එම්.එස්.ප්‍රනාන්දු මහතාගේ ගීත නිසි අවසරයකින් තොරව ගායනා කරමින් මුදල් ඉපැයීම සම්බන්ධයෙන් ඔහුට එරෙහිව නඩු පවරා ඇත.
Subscribe to:
Posts (Atom)
